Conscientes dos desafíos que enfrontamos en materia de consumo de alcohol, especialmente entre a mocidade, o Servizo de Adicións da Concellería de Xuventude e Deportes lanza "Á Túa Saúde: Non perdas o equilibrio". Esta campaña (enmarcada no programa +Xti) levántase como un esforzo continuo, que ten como obxectivo concienciar e sensibilizar á nosa poboación en xeral, pero en particular á nosa mocidade, sobre a importancia do consumo responsable de alcohol e o importante papel que xogan os establecementos hostaleiros neste esforzo.